''Блю Скай'' зочид буудал & Цамхаг

Улаанбаатар хотын хамгийн өндөр барилгад байрлах 5 одтой тансаг зэрэглэлийн ''Блю Скай'' зочид буудал нь Улаанбаатар хотын яг төв цэгт оршдог. Мөн дотроо усан сан болон алжаал тайлах амралтын хэсэгтэй гэдгээрээ онцлог. Бүх хэсэгтээ Wi-Fi-тай. Худалдаа, үйлчилгээ болон төрийн байгууллагууд хүрээлэн орших хотын хамгийн хөл хөдөлгөөнтэй бүсэд байрладаг. Бүх өрөөнүүд маань дээд зэрэглэлийн Европ маягийн дотоод засал, орчин үеийн хэв маягийг шингээсэн. Машин зогсоолын үйлчилгээ үнэ төлбөргүй. ''Блю Скай'' зочид буудал нь Сүхбаатарын талбайн урд байрлалтай учир зочид маань талбайг цонхоороо бүрэн тольдох боломжтой. Улаанбаатар Төмөр замаас машинаар 15 минут, Үндэсний Соёл Амралтын Хүрээлэнгээс 5 минутын зайтай.

Нийт 137 тансаг дизайнтай, уужим цэлгэр өрөөнүүдтэй дээд зэрэглэлийн зочид буудал бөгөөд өнөөгийн олон улсын аялагчдын таашаалд нийцэх ''Скай Лаунж''-тай. Бүх өрөөнүүд нь дотроо хавтгай дэлгэцтэй зурагт, утас, мини бар болон сейфтэй. Угаалгын өрөө бүр ванн болон босоо шүршүүртэй. Мөн угаалгын өрөөний болон 1 удаагийн хэрэгслүүд, үсний сэнс, улавч зэрэг тав тухыг бүрдүүлэх хэрэгслүүдээр бүрэн хангагдсан. Зочид, үйлчлүүлэгчид маань фитнест дасгал хийж, саунд амарч, ''Бизнес центр''-р үйлчлүүлэх боломжтой. Машин түрээслэх, валют солих, угаалга, хими цэвэрлэгээний үйлчилгээнүүдийг авах боломжтой ба ачаа тээш хадгалах газар 24 цагаар ажиллана. Мөн солонгос үндэсний хоолны ''Le Seoul'', барууны сонгодог хоолны тусгай цэстэй ''Seasons All-day'' ресторан болон ''Red dog'' лобби лоунж тус тус байрладаг.

Та ажил хэрэг, амралт зугаалга аль ч зорилгоор зочилсон үл хамааран манай зочид буудалд саатах мөчөөс эхлэн хот бүхэлдээ таны өмнө нээгдэх болно.